ကျောင်းအုပ်ကြီး၏ နှုတ်ခွန်းဆက်စကား

This is the photo title

ကျွန်တော်တို့၏ စက်မှုသင်တန်းကျောင်း(မန္တလေး)ကို မိတ်ဆက်ခွင့်ရရှိတဲ့အတွက် လွန်စွာ ဝမ်းသာဂုဏ်ယူမိပါတယ်။ သင်တန်းကျောင်းအပေါ်စိတ်ဝင်စာပြီး ဝင်ရောက်လေ့လာကြည့်ရှုကြသူ တစ်ဦးချင်းစီကိုလည်း လှိုက်လဲစွာ ကြိုဆိုပါတယ်။

ကျွန်တော်တို့ကျောင်းအနေဖြင့် သင်တန်းသားများကို အသိပညာနှင့် ကျွမ်းကျင်မှု ပြည့်ဝစွာဖြင့် လုပ်ငန်းခွင် ဝင်ရောက်နိုင်ရေးအတွက် ပြုစုပျိုးထောင်ပေးလျက်ရှိပါတယ်။ ကျွန်တော်တို့ကျောင်းဟာ လက်တွေ့လုပ်ငန်းခွင် ဝင်ရောက်မည့်သူများကို လေ့ကျင့်ပျိုးထောင်ပေးသည့် ကျောင်းဖြစ်၍ သင်တန်းများတွင် စာတွေ့ကို ၃၀% နှင့် လက်တွေ့ကို ၇၀% အချိုးဖြင့် သင်ကြားပေးလျက်ရှိပါတယ်။

တက်ရောက်သင်ကြားနိုင်တဲ့ ဘာသာရပ်အနေဖြင့် Mechainical Draughtsman Course, Conventional Machine Tool Operator Course, CNC Machine Tool Operator Course, Electrical Fitter Course နှင့် Welding, Electro-plating & Surface Treatment Course ဟူ၍ ဘာသာရပ်(၅)ခု ရှိပါတယ်။ သင်တန်းကျောင်းမှ နှစ်စဉ် ကျွမ်းကျင်လုပ်သား (၂၅၀)ဦးခန့်ကို မွေးထုတ်ပေးလျက်ရှိပါတယ်။ အခြားသိရှိလိုသည်များ ရှိပါက Contact Us မှတဆင့် ဆက်သွယ်မေးမြန်းနိုင်ပါကြောင်း ဖိတ်ခေါ်အပ်ပါတယ်။